सप्तरी – जनता समाजवादी पार्टीका नेता सुदम्बर यादवले प्रतिनिधिसभा विघटन गर्ने प्रधानमन्त्री केपी ओलीको कदम असंवैधानिक भएको बताएका छन् । जनता समाजवादी पार्टीले दोस्रो चरणको पूर्वघोषित कार्यक्रमअन्तर्गत बुधबार हनुमाननगर कंकालिनी नगरपालिकामा विरोधसभालाई सम्बोधन गर्दै यादवले मुलुक राजनीतिक र कानुनी रूपमा मुलुक फस्ने सम्भावना रहेको बताए ।

उनले भने, ‘मुलुक राजनीतिक र कानुनी दुवै रूपमा फस्ने सम्भावना बढेर जाँदै छ । अदालतले मुलुकलाई जोगाउँछ कि द्वन्द्वमा फसाउँछ त्यो हेर्न बाँकी छ ।’ विरोधसभाअघि जसपाका नेता तथा कार्यकर्ताले जुलुस निकालेका थिए । जुलुसमा सहभागीले राष्ट्रपति विद्यादेवी भण्डारी र प्रधानमन्त्री ओलीविरुद्ध चर्को नाराबाजी गरेका थिए ।