सप्तरी – कैलालीमा प्रहरीले गैँडाको खागसहित एक जनालाई पक्राउ गरेको छ । पक्राउ पर्नेमा जिल्लाको बर्दागोरिया गाउँपालिका ४ का ५८ वर्षीय नैनबहादुर कठरिया रहेका छन् ।

उनलाई प्रहरीले पूर्व पश्चिम राजमार्गमा ना३स ५७१८ नम्बरको विद्धुतीय रिक्सामा राखिएको खागसहित पक्राउ गरेको प्रहरीले जनाएको छ । संघीय प्रहरी इकाई कार्यालय धनगढीबाट सादा पोसाकमा खटिएको प्रहरीको टोलीले पक्राउ गरेको प्रहरी वरिष्ठ उपरिक्षक नलप्रसाद उपाध्यायले बताए ।

उनका अनुसार सुखडबाट ४ किलोमिटर पूर्व छतिवन सामुदायिक वन क्षेत्रमा खैडाको खागसहित कठरियालाई नियनत्रणमा लिइएको थियो । पक्राउ परेका कठरियालाई आवश्यक कारबाहीका लागि वन कार्यालयमा बुझाइने छ ।