सप्तरी – इटालियन सिरी ए अन्तर्गत आइतबार रातिको भएको खेलमा युभेन्टसले जित प्रभावशाली हात पारेको छ । युभेन्टसले युडिनेसविरुद्ध ४–१ को जित निकाल्ने क्रममा क्रिस्टियानो रोनाल्डोले दुई गोल गरे ।

युभेन्टसको घरेलु मैदानमा भएको खेलमा रोनाल्डोले ३१औँ र ७०औँ मिनेटमा गोल गरे । ४९ औँ मिनेटमा चिएसाकोले गोल गरे । उनको गोलबा लागि पास उपलब्ध गराउने काम रोनाल्डोले नै गरेका थिए । यस्तै युभेन्टसका लागि इन्जुरी समयको तेस्रो अर्थात ९३औँ मिनेटमा पाउलो डिबालाले चौथो गोल गरे । युडिनेसका लागि ९०औँ मिनेटमा जीगेलारले एक सान्त्वना गोल फर्काए ।

जितपछि १४ खेलबाट २७ अंक जोडेको युभेन्टस पाँचौँ स्थानमा पुगेको छ । शीर्ष स्थानको एसी मिलान भन्दा १० अंकले पछि छ । रोनाल्डोले सिरी ए को यो सिजनमा ११ खेलमा १४ गोल गरिसकेका छन् ।