सप्तरी – वीरेन्द्रनगरस्थित पिपिरा चाैकमा स्थानीयले सडक अवरूद्ध गरेका छन् । मंगलगढी-धुलियाविट सडक खण्डकाे पिपिरा खाेला पुल नजिक शनिबार टिप्परले ठक्कर दिइ घाइते भएका एक पुरूषकाे उपचारका क्रममा आज मृत्यु भएपछि आफन्तले सडक अवरूद्ध गरेका हुन् ।

बा ४ ख ५८४० नम्बरको टिप्परको ठक्करबाट वीरेन्द्रनगर–१२ का ५८ वर्षीय दफार बक्स घाइते भएका थिए । उनको उपचारको क्रममा नेपालगञ्जमा मृत्यु भएकोपछि आफन्तहरुले अहिले देउती बज्यै चौकमा सडकमा टायर बालेर प्रदर्शन गरिरहेका छन् ।

प्रहरीले टिप्पर र चालकलाई नियन्त्रणमा लिइसकेकाे जनाएकाे छ । कार्यालयका अनुसार सडक सुचारु गर्न आफन्तसँग प्रशासनमा वार्ता भइरहेको जनाइएको छ ।