सप्तरी – भारतको नयाँदिल्ली नजिकै गाजियाबादमा एउटो ठूलो दुर्घटना भएको छ।मुरादनगरस्थित एउटा मसान घाटमा ठूलो संख्यमा मानिसहरु जम्मा भएको समयमा एउटा छत खसेको हो। दुर्घटनामा झण्डै ४० जना छतले च्यापिएको अनुमान गरिएको छ।

दुर्घटनामा थुप्रै मानिसको मृत्यु भएको र घाइते भएको अनुमान गएिको भारतीय सञ्चारमाध्यमहरुले जनाएका छन्।अधिकारीहरुका अनुसार मसानघाट नजिक पिल्लरहरुमा छत अडिएको थियो। केही समयदेखि जारी निरन्तरको वर्षाका कारण छत खसेको छ।

दुर्घटनामा परेका व्यक्ति मलामीहरु रहेको बताइएको छ। प्रहरीले उद्धार कार्य जारी राखेको छ। निरन्तरको वर्षाका कारण उद्धार कार्य प्रभावित भएको बताइएको छ। १५ जनाको उद्धार गरी अस्पताल पठाइएको छ।