अनवर अलि
राजविराज । सप्तरीबाट सशस्त्र प्रहरीको टोलीले २५ किलो लागूऔषध गाँजा बरामद गरेको छ ।
जिल्लाको राजगढ गाउँपालिका वडा नम्बर ६ स्थित भुतनी खोला इलाकाबाट सशस्त्र प्रहरी बल बनैनियाँ बिओपीबाट खटेको टोलीले उक्त गाँजा बरामद गरेको हो ।
नेपालबाट भारततर्फ जाँदै गरेको २ जना व्यक्तिले टोलीलाई देख्नेवित्तिकै बोकेको झोला फ्याँकेर भागेको र उक्त झोला खोलेर हेरेपछि गाँजा भेटिएको सशस्त्र प्रहरी बल नेपाल नम्बर ६ गण हेडक्वाटर सप्तरीका सूचना अधिकारी एवं डीएसपी मोहनराज बिष्टले जानकारी दिए ।
उनका अनुसार बरामद भएको गाँजा आवश्यक कार्वाहीका लागि जिल्ला प्रहरी कार्यालय राजविराजमा बुझाइएको छ ।
१.
२.
३.
४.
५.
६.