धनुषा – धनुषामा एक महिलाको शव फेला परेको छ। धनुषाको शहीदनगर नगरपालिका-३, पुलचौकमा एक महिलाको शव फेला परेको धनुषाका प्रहरी उपरीक्षक वसन्त रजौरेले जानकारी दिए।
मंगलबार बिहान पुलचौकस्थित रहेको नहर नजिक अन्दाजी ३० वर्षीया बबिता देवी दासको शव फेला परेको हाे।
उपरीक्षक रजाैरेले घटना शंकास्पद रहेकाले थप अनुसन्धान भइरहेको बताए।
शवको पोष्टमार्टमपश्चात् थप कुरा खुल्ने तथा यससम्बन्धमा थप अनुसन्धान भइरहेको रजौरेले जनाएका छन्।