काठमाडौं – कञ्चनपुरको बेलौरी नगरपालिका–५, भकुन्डामा मोटरसाइकल गाडासँग ठोक्किँदा चालकको मृत्यु भएको छ । एकजना घाइते छन् ।

कञ्चनपुरकै पुनर्वास नगरपालिका–१, गणेशबस्तीका अन्दाजी २४ वर्षीय विश्राम रानाको उपचारका क्रममा बेलौरीस्थित इसान मेमोरियल अस्पतालमा मृत्यु भएको हो । घाइते भएका मोटरसाइकलमा पछाडि सवार २८ वर्षीय शंकर रानाको सोही अस्पतालमा उपचार भइरहेको जनाइएको छ ।

हिजो बेलुका करिब पौने ९ बजे बेलौरीबाट रामनगर जाँदै गरेको सुदूरपश्चिम प्रदेश ०१ ०१० प ८३९ नम्बरको मोटरसाइकल गाडासँग ठोक्किएको थियो । गाडा चालकलाई इलाका प्रहरी कार्यालय बेलौरीले नियन्त्रणमा लिएको छ ।