चितवनको इच्छाकामनामा सवारी साधनको ठक्करबाट एक जनाको मृत्यु भएको छ। मृतक पुरुषको पहिचान हुन सकेको छैन।

उनलाई ठक्कर दिने सवारी साधनको पनि पहिचान हुन नसकेको जिल्ला प्रहरी कार्यालय चितवनले जनाएको छ।

पृथ्वीराजमार्गमा पर्ने इच्छाकामना गाउँपालिका–४ धारापानीमा आज बिहान सडकमा एक पुरुषको शव फेला परेको हो। सवारी साधनले ठक्करबाट उनको मृत्यु भएको प्रहरीले जनाएको छ।

जिल्ला प्रहरी कार्यालय चितवनका प्रवक्ता प्रहरी निरीषक नरहरि अधिकरीका अनुसार ठक्कर दिने सवारी साधनको नम्बर र किसिम खुल्न सकेको छैन।

घटनाको सम्बन्धमा अनुसन्धान अघि बढाइएको प्रहरीले जनाएको छ।