
सुनसरीको भोक्राहा नरसिंह गाउँपालिका–२ मेहेताटोलमा करेन्ट लाग्दा एक जनाको मृत्यु भएको छ ।
आज दिउँसो साढे ११ बजे छिमेकीको घर बनाउने क्रममा छतमा फलामको रड तान्दा करेन्ट लागेको थियो । रड तान्दा बिजुलीको तारमा छोएपछि करेन्ट लाग्दा स्थानीय ४० बर्षीय जिवानन्द मेहेता गम्भिर घाईते भएका थिए ।
घाईते मेहेतालाई उपचारको लागी जिल्ला अपताल सुनसरी लगिएकोमा अस्पताल पुर्याउनसाथ मृत्यु भएको हो । घटना सम्बन्धमा थप अनुसन्धान भईरहेको जिल्ला प्रहरी कार्यालय सुनसरीले जनाएको छ ।