रुपन्देहीको बुटवलमा मोटरसाइकल चोरी गरेको आरोपमा २ जनालाई प्रहरीले पक्राउ गरेको छ। बुटवल उपमहानगरपालिका वडा नम्बर ९ स्थित कालिकानगर राज्यलक्ष्मी पथमा पार्किङमा राखेको लु ५६ प २९०७ मोटरसाइकल चोरी गरेको आरोपमा प्रहरीले सैनामैना नगरपालिका–६ का १८ वर्षीय निश्चल बुढाथोकी र कञ्चन गाउँपालिका वडा नं.२ का १८ वर्षीय अभिषेक थारु पक्राउ गरेको हो ।

इलाका प्रहरी कार्यालय बुटवलका प्रहरी प्रमुख ठगबहादुर केसीले हराएको मोटरसाइकलको खोजीका क्रममा दुबै जनालाई मोटरसाईकल सहित पक्राउ गरिएको बताए । दुबै जनालाई सवारी चोरी मुद्दामा थप अनुसन्धान भइरहेको प्रहरीले जनाएको छ ।