ललितपुरको सातदोबाटोबाट एक जना युवक बेपत्ता भएका छन् । ब्राइट फ्युचर क्याम्पसमा बीबीएस चौंथो वर्षमा अध्ययनरत सरोज माबो लिम्बु आइतबार रातिबाट बेपत्ता भएका हुन् ।

आइतबार साँझ लिम्बुले क्याम्पसका साथीहरू भएको ग्रुप म्यासेजमा संसारबाट बिदा हुने समय आयो भन्दै म्यासेज लेखेका थिए । ‘संसारबाट बिदा लिने सयम भयो । साथीहरू, तिमिहरूसँग कुरा गर्ने मन हुँदाहुँदै पनि जानुपर्ने कस्तो है यो समय ?,’ भन्दै म्यासेज लेखेका उनी अहिलेसम्म फेला परेका छैनन् ।
म्यासेज देखेपछि उनका सथाीहरूले प्रहरीलाई खबर गरेका थिए । २४ वर्षका सरोज माबो लिम्बुको अन्तिम लोकेशन लेले देखाएको प्रहरीले बताएको छ । ललितपुर प्रहरीले आफूकहाँ उनी हराएको गुनासो आइससकेको र उनको खोजी भइरहेको बताएको छ ।