धनुषा- शहीदनगर नगरपालिकाको मेयरमा जनता समाजवादी पार्टीका उम्मेदवार दिनेशप्रसाद यादव विजयी भएका छन् ।

५ हजार ७४३ मतसहित उनले मेयर जितेका हुन् । निकटतम प्रतिस्पर्धी नेपाली कांग्रेसका सुधिरकुमार गोइतले ४ हजार १०५ मत ल्याउँदा माओवादी केन्द्रका उदयकुमार यादवले ४ हजार ७७ भोट पाएका छन् ।

उपमेयरमा भने नेपाली कांग्रेसकी सुनिताकुमारी सिंह निर्वाचित भएकी छन् । ४ हजार ९३१ मत ल्याएर उनले जितेकी हुन् । प्रतिस्पर्धी जसपाकी लक्ष्मीनिया कुमारी मण्डलले ४ हजार ७९१ र माओवादी केन्द्रकी रेखाकुमारी मण्डलले ४ हजार २१५ भोट ल्याए ।

२०७४ सालमा यो नगरको प्रमुख र उपप्रमुख दुवैमा माओवादी केन्द्रले जितेको थियो ।