विराटनगर महानगरपालिकाको मेयरमा नेपाली काङ्ग्रेसका नागेश कोइराला १२६७२ मतका साथ अगाडि रहेका छन् ।

प्रतिस्पर्धी नेकपा (एमाले)का सागर थापाले ९५७१ मतका साथ सत्तारुढ गठबन्धनका उम्मेदवार कोइरालालाई पछ्याइरहेका छन् । हालसम्म प्राप्त मतपरिणामअनुसार नागेश र सागरको मतान्तर ३१०१ रहेको छ । मेयरका अन्य उम्मेदवार स्वतन्त्रका उमेश यादवले ४०५० र राप्रपाका प्रल्हाद साहले २६२७ मत पाएका छन् ।

उपमेयरमा एमालेकी शिल्पा निराला कार्कीले मतान्तर थप फराकिलो बनाउँदै लगेकी छन् । शिल्पाले ११०११ मत पाउँदा गठबन्धनबाट उपमेयरको उम्मेदवार रहेका जसपाका अमरेन्द्र यादवले ६६८६ मत मात्रै ल्याएका छन् ।

शिल्पा र अमरेन्द्रबीचको मतान्तर ४३२५ रहेको छ । उपमेयरका अन्य उम्मेदवार राप्रपाकी विन्दाकुमारी लुइँटेल (आचार्य)ले ३१८१ र स्वतन्त्रबाट नमिता न्यौपानेले २२८८ मत पाएका छन् ।