काठमाडौं – यही वैसाख ३० गते हुन लागेको स्थानीय निर्वाचनको दिन स्वास्थ्यकर्मीका सवारी साधनलाई सवारी अनुमति पत्र लिनु नपर्ने निर्वाचन आयोगले जनाएको छ ।

आयोगद्वारा सोमबार जारी विज्ञप्तिमा स्वास्थ्यकर्मीको आवागमनका लागि प्रयोग हुने सवारी साधनलाई सवारी अनुमतिपत्र नचाहिने जनाइएकाे छ ।

स्वास्थ्यकर्मी तथा चिकित्सकका सवारीलाई अस्पतालले प्रदान गरेको परिचयपत्रका आधारमा चल्न दिइने पनि विज्ञप्तिमा उल्लेख छ । एम्बुलेन्स, शववहान लगायत अत्यावश्यक सेवाका लगि प्रयोग हुने सवारीलाई पनि अुनमतिपत्र नचाहिने आयोगले जनाएको छ ।