स्थानीय तहको निर्वाचनका लागि आज मध्यरातपछि मौन अवधि सुरु हुने भएको छ । निर्वाचनका लागि दल तथा उम्मेदवारहरुले आज मात्र प्रचारप्रसार गर्न पाउनेछन् ।

मौन अवधिमा चुनावी प्रचार गर्न रोक लगाइएको छ। यही वैशाख ३० मा स्थानीय चुनाव हुँदैछ।

निर्वाचन ऐनअनुसार मतदान हुनुभन्दा ४८ घन्टा पहिलेदेखि मौन अवधि सुरू हुन्छ । आयोगले मौन अवधि पूर्ण रूपमा पालना गर्न राजनीतिक दल, उम्मेदवारलगायत सरोकारवाला सबैमा आग्रह गरेको छ।

मौन अवधिमा भोट माग्नेलगायत कार्य नगर्न पनि आयोगले आग्रह गरेको छ भने सामाजिक सञ्जालबाट पनि चुनावी प्रचारका सामग्री हटाउन निर्देशन दिएको छ।

सामाजिक सञ्जालबाट चुनावी प्रचार गरेको पाइए हटाइने आयोगको भनाइ छ। यसका लागि निगरानी गर्न नेपाल दुरसञ्चार प्राधिकरणलाई जिम्मेवारी दिइएको छ।