काठमाडौं- जनता समाजवादी पार्टीका नेता राजेन्द्र श्रेष्ठले नेकपा एमाले र केपी शर्मा ओलीबाट लोकतन्त्र र संविधानमाथि प्रहार भएको बताएका छन् । काठमाडौंमा आयोजीत चुनावी सभालाई सम्बोधन गर्दै नेता श्रेष्ठले संघीयता कार्यान्वयन र संघीयताको माध्यमबाट सुशासन कायम गर्न गठबन्धनले भूमिका खेल्ने बताए।

उनले भने, ‘उखानटुक्का, राम्रा राम्रा हास्यव्यंग्य सुनेर केपी ओलीको पार्टीलाई बहुमत दिलायौं । तर, परिस्थिति फरक रह्यो । केपी ओलीबाट लोकतन्त्र र संविधानमाथि प्रहार भयो । उहाँहरुको हातमा सत्ता गएपनि देशलाई प्रतिगमनतर्फ धकेल्ने काम भयो ।’

नेता श्रेष्ठले काठमाडौं महानगर सांस्कृतिक सम्पदाको नगरको रुपमा विकास हुन नसकेको बताए ।