नेपालमा केही दिनदेखि दैनिक वर्षा हुने क्रम रोकिएको छैन। अहिले पनि बागमती र गण्डकी प्रदेशका थोरै स्थानमा हल्का पानी परिरहेको मौसम पूर्वानुमान महाशाखाका मौसमविद् राजु प्रधानांगले जानकारी दिए।

‘काठमाडौं उपत्यकामा पनि ठाउँठाउँमा फाटफुट पानी परिरहेको छ’, बिहीबार बिहान ७ बजे नेपालखबरसँग उनले भने।

मौसम पूर्वानुमान महाशाखाले आगामी २४ घण्टाका लागि चेतावनी तथा परामर्श जारी गरेको छ।

जसमा भनिएको छ: देशको पहाडी भूभागका केही स्थान र बाँकी भूभागका थोरै स्थानमा मेघगर्जन/चट्याङसहित हल्का वर्षाको सम्भावना रहेकाले आवश्यक सतर्कता अपनाउन हुन सबैमा अनुरोध छ।

हाल देशको मौसममा स्थानीय वायु र भारतको उत्तर प्रदेशदेखि पश्चिम बंगालको समथर भूभागसम्म बनेको न्यून चापीय प्रणाली प्रभाव छ।