बर्दियाको भुरिगाउँ बजारमा ट्रकले ठक्कर दिँदा ई–रिक्सामा सवार एक महिलाको मृत्यु भएको छ।

पूर्वपश्चिम राजमार्गको भुरीबजारमा रा १ क १८३ नम्बरको ट्रकले भे १ स ९५६२ नम्बरको ई–रिक्सालाई ठक्कर दिँदा बर्दिया ठाकुरबाबा नगरपालिका २ रानीपुरकी ४९ वर्षीया पिउली धितालको मृत्यु भएको हो।

जिल्ला प्रहरी कार्यालय बर्दियाका प्रहरी नायब उपरीक्षक (डीएसपी) प्रकाश सापकोटाका अनुसार ट्रकको ठक्करबाट घाइते भएकी धिताललाई उद्धार गरि स्थानीय अस्पतालमा लैजाँदै गर्दा बाटोमै मृत्यु भएको हो।

मृतक महिलाको शव पोस्टमार्टमाका लागि सदरमुकाम गुलरियाको जिल्ला अस्पताल लगिएको छ।

ठक्कर दिने ट्रक चालक दाङको तुलसीपुर उप–महानगरपालिका ४ का वसन्त नेपाली र ई–रिक्सा चालक ठाकुरबाबा नगरपालिका ८ का दीपेन्द्र विकलाई प्रहरीले पक्राउ गरेको छ।