सरकारले गरेको प्रहरी महानिरीक्षक नियुक्तिविरुद्ध सर्वोच्च अदालतमा परेको रिटमाथि आज प्रारम्भिक सुनुवाइ हुँदैछ ।

मन्त्रिपरिषद्ले नेपाल प्रहरीको २९ औँ आईजीपीमा धिरजप्रताप सिंहलाई नियुक्त गरेको थियो । उनले दर्ज्यानी चिह्न पनि प्राप्त गरिसकेका छन् ।

यो नियुक्तिप्रति असन्तुष्ट भएका अतिरिक्त महानिरीक्षक (एआईजी) विश्वराज पोखरेलले वैशाख १९ मा सर्वोच्चमा रिट दायर गरेका थिए । यहि रिटमाथि बुधवार सुनुवाइ हुने गरी सर्वोच्च अदालतले जनाएको छ ।

आईजीपी नियुक्तिबारे असन्तुष्ट अर्का एआईजी सहकुल बहादुर थापा बुधवारबाट काममा फर्किन सहमत भएका छन् । मन्त्रिपरिषद्को निर्णयप्रति असहमति राखेका विश्वराज पोखरेलले भने ३० दिन लामो बिदा लिएका छन् ।