एजेन्सी – भारतीय सहर भोपालको एक ‘चियास्टल’मा पसलेलाई नसोधी समोसा झिकेर खाने एक युवकको स्टल सञ्चालक र उनका छोराले हत्या गरेका छन्।

आरोपीका अनुसार रक्सीले मातेका युवकले सोध्दै नसोधी समोसा झिक्दा आफूले प्रतिवाद गरेको र उल्टै झगडा गरेपछि चिया पकाउने भाँडाले हानेको बताएका छन्। स्टल सञ्चालकले भाँडाले र उनका छोराले लौरोले हानेपछि ती युवकको मृत्यु भएको हो।

हत्या आरोपी हरि सिंह र उनका छोरा सियारामले समोसा झिकेर खाएपछि उल्टै दुर्व्यवहार गरेपछि पीडित विनोद अरिवरको हत्या गरेका हुन्।

स्थानीय प्रहरीका अनुसार विनोदले सोध्दै नसोधी समोसा झिकेपछि उल्टै दुर्व्यवहार गरेपछि हरि सिंहले उनलाई चिया पकाइरहेको भाडाले हानेका थिए। हरि सिंहका छोरा सियारामले पनि लौराले हानेपछि विनोदको मृत्यु भएको छ l