पाँचथरको यासोकबाट नौ दिन अघिदेखि बेपत्ता भएका प्रहरी सहायक हवल्दार खगेन्द्र श्रेष्ठ आइतबार मृत फेला परेका छन् । झापाको बिर्तामोड नगरपालिका-९ स्थायी घर भएका खगेन्द्र जिल्ला प्रहरी कार्यालय पाँचथरमा कार्यरत थिए ।

यासोकमा लाग्ने त्रिशाली मेलाको सुरक्षाका लागि गएका उनी वैशाख ३ गते साँझबाट बेपत्ता भएका थिए । खगेन्द्र कुम्मायक गाउँपालिका- १ स्थित ओर्दिनमा मृत फेला परेको जिल्ला प्रहरी कार्यालय पाँचथरले जनाएको छ ।

खोजतलासका क्रममा पहिला उनको मोबाइल फेला परेको थियो । त्यसलाई आधार मानेर खोजी गर्दै जाँदा ओर्दिनमा उनी मृत भेटिएको छिमेकी यज्ञ श्रेष्ठले जानकारी दिए । खगेन्द्र नेवा: देय दवु: बिर्तामोड -९ का अध्यक्ष रत्नबहादुर श्रेष्ठका छोरा हुन् ।