भक्तपुर – मध्यपुर थिमि नगरपालिका-५ कमेरोटार प्लानिङ्गको एक गोदाममा आगलागी भएको छ । जस्ताको टहरामा भएको हार्डवेयर सामग्रीको गोदाममा आगलागी भएको प्रहरीले जनाएको छ ।

आइतबार राति करिब साढे ९ बजेदेखि आगो लागेको थियो । बिहानसम्म भक्तपुर, काठमाडौं र ललितपुरका चार वटा दमकलले आगो निभाउने प्रयास गरिरहेको प्रहरी वृत थिमि प्रमुख डीएसपी हरिनन्दन चौधरीले बताए ।

आगलागीबाट गोदामभित्रका सामग्री पूर्णरुपमा क्षति पुगेको समेत जनाएको छ । गोदाम वरीपरि अन्य घरहरु नभएका कारण आगो अन्यत्र फैलन सक्ने खतरा नभएको प्रहरीले जानकारी दिएक‍ो छ । उक्त गोदाम कस्को हो, कसरी आगलागी भयो भन्ने सम्बन्धमा अनुसन्धान भइरहेको डीएसपी चौधरीले बताए ।