काठमाडौं – अफगानिस्तानका दुई वटा सहरमा भएको बम विस्फोटमा परी कम्तीमा १६ जनाको ज्यान गएको छ।

बाल्ख प्रान्तको मजार–इ–शरीफमा रहेको एक शिया मस्जिदमा विस्फोट हुँदा १२ जनाले ज्यान गुमाएका छन्। तालिबान सरकारका प्रवक्ता मोहम्मद आसिफ अन्सारीले विस्फोटमा परी घाइते भएका ३२ जनाको अवस्था गम्भीर रहेको बताएका छन्।

रोयटर्सका अनुसार कुन्दुजमा भएको अर्को हमलामा चार जनाले ज्यान गुमाएका छन्। त्यहाँ १८ जना घाइते भएका छन् ।

पछिल्लो बम आक्रमणको जिम्मा अफगानिस्तानको इस्लामिक स्टेट समूह (आईएसआईएस)ले लिएको अन्तर्राष्ट्रिय सञ्चारमाध्यममा उल्लेख छ।