सप्तरी – सप्तरीको खडक नगरपालिकामा नेपाल कम्युनिष्ट पार्टी (माओवादी केन्द्र) र नेपाल कम्युनिष्ट पार्टी (एकीकृत समाजवादी)बीच चुनावी गठबन्धन भएको छ । सत्ता साझेदार ५ दलले गठबन्धन बनाउने सहमतिअनुसार खडक नगरपालिकामा यी दुई पार्टीबीच गठबन्धन गरिएको हो ।

सहमतिअनुसार माओवादी केन्द्रबाट खडक नगरपालिकाको नगर प्रमुखमा जय प्रकाश चौधरी र एकीकृत समाजवादीको तर्फबाट उपप्रमुखमा शत्रुघन प्रसाद साह (आजाद) अगाडि सारिएको छ ।

सहमतिअनुसार माओवादीबाट वडा नम्बर १, २, ६, ८ र १० तथा नेकपा (एकीकृत समाजवादी) ले वडा नम्बर ४, ५, ७, १० र ११ मा वडा अध्यक्षको उम्मेदवारी दिने निर्णय भएको छ । वडा नम्बर ३ र ९ मा छुट्टा–छुट्टै उम्मेदवारी दिने निर्णय भएको जनाइएको छ । स्थानीय निर्वाचन आगामी वैशाख ३० गते हुँदैछ ।