काठमाडौं – बलिउड फिल्म निर्देशक राजकुमार हिरानी र शाहरुख खानले एक साथ काम गर्ने भएका छन्। मंगलबार एक भिडियोमार्फत उनीहरुले आफूहरुले सँगै काम गर्ने फिल्मको घोषणा गरेका हुन्।

‘डंकी’ नाम रहेको उक्त फिल्ममा शाहरुख र हिरानीले सँगै काम गर्ने भएका हुन्। फिल्ममा शाहरुखसँगै तापसी पन्नुले पनि काम गर्ने भएकी छिन्।

फिल्मलाई पूर्ण रुपमा पञ्जाबमा छायांकन गरिनेछ। निर्देशक हिरानीसँगै अभिजात जोशी र कनिका डिलोनको लेखन रहेको फिल्म जियो स्टुडियो, रेड चिल्ली इन्टरटेनमेन्ट र राजकुमार हिरानी फिम्ल्सको संयुक्न ब्यानरमा निर्माण हुँदै छ।

यहि महिनाबाट छायांकन सुरु हुने फिल्म आगामी वर्षको क्रिसमसको अवसरमा २३ डिसेम्बरमा प्रदर्शनमा आउने छ।