सुनसरीमा टयाक्टर दुर्घटना हुँदा एक जनाको मृत्यु भएको छ । रामधुनी नगरपालिका – ५ झुम्काको भित्री सडक खण्डमा ट्याक्टर दुर्घटना हुँदा १ जनाको मृत्यु भएको हो । अर्का एक जना घाइते भएका छन् ।

प्रहरीका अनुसार मंगलबार दिउँसो पौने १२ बजे पश्चिमबाट पूर्व तर्फ आउँदै गरेको को २ त ८८१८ नम्बरको ट्याक्टरमा सवार झुम्का– ३ का २८ वर्षीय अर्जुन ऋषिदेब र सोही स्थानका २७ वर्षीय जितेन सरदार ट्याकटरबाट खसेका थिए ।

ट्याक्टरबाट खसेर घाइते भएका ऋषिदेवलाई बिराट टिचिङ अस्पताल बिराटनगर र सरदारलाई स्थानिय मेडिकलमा लगिएको थियो ।

ऋषिदेवको उपचारको क्रममा आज विहान मृत्यु भएको जिल्ला प्रहरी कार्यालय सुनसरीले जनाएको छ ।