एजेन्सी – अफगानिस्तानको राजधानी काबुलमा मंगलवार बिहान भएका विस्फोटहरूमा परी कम्तीमा ६ जना मारिएको र ११ जना घाइते भएको सुरक्षा विभागका प्रवक्ता खालिद जादरानले बताएका छन् ।

प्रत्यक्षदर्शीहरूका अनुसार, पहिलो विस्फोट मुमताज ट्युसन सेन्टर नजिक भएको थियो । त्यसपछि अब्दुल रहीम शहीद हाईस्कूल नजिक शृंखलाबद्ध विस्फोट भएका थिए ।

घटनाको अनुसन्धान भइरहेको अफगानिस्तानको गृह मन्त्रालयले जनाएको छ ।

विद्यार्थीहरू कक्षाबाट निस्कँदै गर्दा विस्फोट भएको प्रत्यक्षदर्शीहरूले बताए ।

कुनै पनि समूहले विस्फोटको जिम्मेवारी लिइसकेको छैन ।