त्रिभुवन अन्तर्राष्ट्रिय विमानस्थलबाट सुनको लकेटसहित एक जना समातिएका छन् । जजिरा एयरको उडानद्वारा दुबईबाट काठमाडौँ आएका कैलालीका भागदेव कठरियालाई विमानस्थल प्रहरीले सुन र आइफोनसहित पक्राउ गरेको हो ।

उनको गतिविधि शंकास्पद देखिएपछि अन्तर्राष्ट्रिय विमानस्थलको आगमन टनेल गेटबाट प्रहरीले नियन्त्रणमा लिएको हो । कठरियाको साथबाट ४० ग्रामको सुनको लकेट, एक थान एमवान १४ म्याकबुक प्रो, एक थान आइफोन १३ प्रो म्यास, एक थान आइफोन ११ प्रो म्यास बरामद गरिएको प्रहरीले जनाएको छ ।

उनलाई कारबाहीको लागि त्रिभुवन विमानस्थल भन्सार कार्यालय गौचरमा बुझाइएको विमानस्थल प्रहरीले बताएको छ ।