अमेरिकी – अमेरिकी सांसद क्रिस कून्सले युक्रेनमा रुसीहरूका विरुद्ध लड्नका लागि अमेरिकी सैनिकहरू पठाउन सुझाव दिएका छन् ।

राष्ट्रपति जो बाइडनका निकट सहयोगी कून्सले युक्रेन पूर्वी युरोपको सिरिया बन्ने खतरा रहेको पनि बताए ।
‘युक्रेनमा भइरहेको त्रासदीबाट अमेरिकी जनता भाग्न सक्दैनन्,’ कून्सले सीबीएस न्युजसँगको अन्तर्वार्तामा बताए ।

‘हामीले युक्रेनको स्वतन्त्रतालाई कति जोड दिएर प्रतिरक्षा गर्छौं भन्ने कुराले २१औं शताब्दीलाई निर्धारण गर्नेछ । अनि हामीले रोके मात्र पुटिन रोकिन्छन्,’ उनले भने ।

बाइडनले पश्चिमी साझेदारहरूसँग मिलेर रुसमाथि कठोर प्रतिबन्ध लगाएको सही भए पनि त्यति मात्र पर्याप्त नरहेको उनको भनाइ छ । पुटिनले युद्धको जोखिम स्तरलाई उच्च बनाएकाले अब अमेरिका युक्रेन युद्धमा प्रत्यक्ष जोडिनुपर्ने उनले बताए ।