अख्तियार दुरुपायोग अनुसन्धान आयोगले मालपोत कार्यालय टोखामा कार्यरत खरिदारलाई २० हजार रुपैयाँ घूससहित पक्राउ गरेको छ ।

उक्त कार्यालयको मुद्दा फाँटमा कार्यरत खरिदार विनोद तिवारीलाई आइतबार पक्राउ गरिएको आयोगका प्रवक्ता श्याम प्रसाद भण्डारीद्वारा जारी विज्ञप्तीमा उल्लेख छ ।

‘..जग्गा नामसारी दर्ता गरी जग्गा धनी प्रमाण पूर्जा बनाउने काममा सहजीकरण गरिदिने भनी सेवाग्राहीसँग घुस/रिसवत रु.२०,०००।– माग गरिरहेको भन्ने सूचना एवं उजुरी निवेदनका आधारमा अख्तियार दुरुपयोग अनुसन्धान आयोग, टंगालबाट खटिई गएको टोलीले निज खरिदार विनोद तिवारीलाई सेवाग्राहीबाट रु. २०,०००।– घुस/रिसवत लिइसकेको अवस्थामा उक्त रकमसहित निजकै कार्यकक्षबाट नियन्त्रणमा लिई थप अनुसन्धान भइरहेको छ,’ विज्ञप्तीमा भनिएको छ ।