सप्तरी — बुधबार रातिको हावाहुरीले ताप्लेजुङको सिदिङवा गाउँपालिका–३ आङखोप सिंहेश्वरी माध्यमिक विद्यालयको छाना उडाउनुका साथै माथिल्लोे तला भत्काइदिएको छ ।हुरीले ताप्लेजुङमा विद्यालयको छाना उडायोको छ ।

विदेशी संस्था एचपीएफ नेपालको ७५ र विद्यालयको २५ प्रतिशत साझेदारी गरी १ करोड ५० लाखमा बनेको नयाँ भवन र यसअघि नै स्थानीय सरकारबाट ५० लाखमा बनेको पुरानो भवनको छाना उडाउनुका साथै तला भत्काएको शिक्षक देवीका भण्डारीले जानकारी दिइन् ।

उक्त विद्यालयको वैशाख २ गते बिहीबार उद्घाटन गर्ने तयारी रहेको थियो । उद्घाटनका लागि भवन निर्माणका लागि सहयोग गर्ने दाता डेनमार्कबाट नेपाल आइसकेका छन् । बिहीबार विद्यालयमा पुग्ने र शुक्रबार उद्घाटन गर्ने कार्यक्रम रहेको थियो । हावाहुरीले १० लाख बढीको क्षति भएको प्रधानाध्यापक इन्द्र बुढाथोकीले बताए ।

विद्यालय नजिकै रहेको मिल लगायतका घरका धुरीमासमेत क्षति पुगेको छ । वर्षा सँगै राति अधिक हावा चलेको थियो । तर छोटो समयमात्रै चलेकाले ठूलो मात्रामा क्षति हुन नपाएको स्थानीयले बताएका छन् । जिल्लामा केही दिनयता बेलुकीपख लगातार हावा हुरी चल्ने गरेको छ ।