सप्तरी – आइएमई जनरल इन्स्योरेन्स कम्पनीले फागुन २२ गतेबाट निष्कासन तथा बिक्री खुल्ला गरेको ४० प्रतिशत हकप्रद सेयर बाँडफाँड गरिएको छ ।

कम्पनीको हकप्रदमा रितपूर्वक आवेदन दिने १३ हजार ६८९ जना सेयरधनीहरुलाई ४५ लाख ३९ हजार १४९ कित्ता सेयर बाँडफाँट गरेको हो । इन्स्योरेन्सले १०० रुपैयाँ अंकित दरको ४६ लाख ३० हजार ३ सय ४४ कित्ता हकप्रद शेयर विक्री खुला गरेकोे थियो । यो पटक कम्पनीको ९१ हजार १९५ कित्ता सेयर वितरण हुन सकेन ।

कम्पनीले यो पटक वितरण हुन नसकेको सेयर लिलामी प्रकृयाबाट विक्री गर्नेछ । कम्पनीले यो हकप्रद सेयर प्रयोजनका लागि फागुन १ गते, आइतबार एक दिन बुक क्लोज गरेकाले माघ २७ गते, बिहीबारसम्म कायम शेयरधनीहरुले मात्र यो हकप्रद शेयर खरीद गर्न सक्ने व्यवस्था थियो ।

हकप्रद बाँडफाँटमा सेयर नपरेका सेयरधनीहरुको रकम २०७९ बैशाख २ गतेदेखि फिर्ता भुक्तानी गरिने कम्पनीले जनाएको छ । फिर्ता गर्नुपर्ने रकम कनेक्ट आईपिएस मार्फत सेयर धनीहरुको खातामा पठाइने कम्पनीले जनाएको छ ।

कम्पनीको सूचनाः