सप्तरी – सशस्त्र प्रहरी महानिरीक्षक शैलेन्द्र खनाललाई हिजोदेखि गृहमन्त्रालय र सशस्त्र प्रहरी बलले औपचारिक बिदाइ गरेका छन् । सशस्त्रको प्रधान कार्यालय हल्चोकमा आयोजित समारोहमा खनाललाई अतिरिक्त महानिरीक्षकद्वय पुष्पराम केसी र रामशरण पौडेलले फूलमाला र उपहार दिएर बिदा गरेलगत्तै गृह मन्त्रालयमा आधी घण्टाको अर्को बिदाइ समारोह आयोजना गरिएको थियो । जसमा गृहमन्त्री बालकृष्ण खाँण,सचिव टेकनारायण पाण्डे,प्रहरी महानिरिक्षक सैलेश थापा क्षेत्री,र गृहप्रवक्ता फणिन्द्र पोखरेललगायत १५/२० जनाको उपस्थिति थियो ।

सशस्त्रका तीन हाकिम खनाल,केसी र पौडेलबीच केही समयदेखि झण्डै झण्डै बोलचाल बन्दको स्थिति थियो । अघिल्लो महिना अल्फ्रेस्को गार्डेनमा डिआइजीहरुलाई बढुवा गर्दा पनि उनीहरुले फुली लगाइदिए तर एकार्कासङ्ग बोलेनन् । तर हिजो हाकिमको बिदाइमा भने निमित्त आइजी पुष्पराम केसी र एआइजी रामशरण पौडेलले नै फूलमाला लगाएका हुन् । खनालकी श्रीमतीलाई भने केसीकी श्रीमतीले फूलमाला लगाइदिएकी थिइन् ।

खनालले पनि केसी र पौडेललाई उपहार दिएका थिए ।