सप्तरी – बेलायतले युक्रेनलाई उपलब्ध गराउन खोजेको लामो दूरीको आर्टिलरी तथा एन्टी शिप सिस्टमलाक्ष्ए रुसी सैनिकहरूले तारो बनाउने बेलायतका लागि रुसका राजदूत आन्द्रे केलिनले बताएका छन् ।

‘सबै किसिमका हतियार आपूर्तिहरूले अस्थिरता बढाउँछन्,’ कालिनले बताए । ‘विशेषगरी बेलायतका रक्षामन्त्री बेन वालेसले नाम लिएका हतियारले परिस्थिति चर्काउँछन् र थप रत्तलपात गराउँछन् । यी नयाँ सटीक निशाना लगाउने हतियार हुन् । युक्रेनमा ती हतियारहरू पस्नेबित्तिकै हाम्रा सशस्त्र बलले तिनलाई तारो बनाउनेछन् ।’

युक्रेनलाई घातक सहयोग पठाउने भनी वालेसले गत साता बताएका थिए ।

त्यसअघि बेलायका प्रधानमन्त्री बोरिस जोनसनले युक्रेनी सेनालाई ६ हजारवटा क्षेप्यास्त्रका साथै स्टारस्ट्रेक म्यानप्डा पनि उपलब्ध गराउने भनेका थिए । त्यससँगै उनले ४ हजारवटा एनएलएडब्ल्यू र जेभलिन एन्टी ट्यांक मिसाइल युक्रेन पठाउने बताएका थिए ।