सिमकोट – नेपालनिकट युुवा संघ नेपालको जिल्ला अध्यक्षमा सागर शाही सर्वसम्मत चयन भएका छन्। नेतृत्वका आकांक्षी बढी भएका कारण तीन दिनसम्म चलेको अधिवेशनले शाहीलाई बुधबार सर्वसम्मत अध्यक्ष चयन गरेको हो।

सातौँ जिल्ला अधिवेशनले युवा संघको अध्यक्षमा शाही, उपाध्यक्षमा अनिलकुमार शाही, सचिवमा मोहन बुढा, सहसचिवमा नेत्रबहादुर रावत, दिनेश शाही र कोषाध्यक्षमा छविलाल जैशी चयन भएका हुन्।

एक जना सहसचिव भने चयन गर्न बाँकी नै छ।

त्यसैगरी, अधिवेशनले ४९ जना सदस्यसमेत चयन गरेको छ। अध्यक्षमा सर्वसम्मत चयन भएपछि शाहीले संगठनलाई नयाँ किसिमले अगाडि बढाउने बताए। एमाले केन्द्रीय सदस्य एवं पूर्वमन्त्री दलबहादुर रावलको उपस्थितिमा नयाँ नेतृत्व सार्वजनिक गरिएको हो।