सप्तरी – कन्नड फिल्म ‘केजिएफ च्याप्टर २’ को ट्रेलर सार्वजनिक भएको छ। प्रशान्त नीलको लेखन तथा निर्देशनमा बनेको फिल्मको ट्रेलरमा दमदार एक्सन छ।

यो ट्रेलर यति बेला युट्युब ट्रेन्डिङको एक नम्बरमा छ। अहिलेसम्म ५ करोडभन्दा बढी भ्युज पाइसकेको छ।

पिरियड एक्सन ड्रामा फिल्ममा यशराज, सञ्जय दत्त, श्रीनिधि शेट्टी, रविना टण्डन, प्रकाशराज लगायतका कलाकारको मुख्य भूमिका छ।

यसअघि २०१८ को डिसेम्बरमा प्रदर्शनमा आएको ‘केजिएफ च्याप्टर १’ लाई दर्शकले निकै मन पराएका थिए। फिल्मले बक्स अफिसमा २५० करोड भारूभन्दा बढी कलेक्सन गरेको थियो।

यो फिल्म अप्रिल १४ अर्थात वैशाख १ गतेदेखि विश्वव्यापी रूपमा प्रदर्शनमा आउँदैछ। यही मितिमा नेपाली फिल्म ‘ए मेरो हजुर-४’ पनि प्रदर्शनमा आउँदैछ।