एजेन्सी – संयुक्त राज्य अमेरिकाले प्रमुख सैन्य सहायता प्याकेजको एक भागको रूपमा युक्रेनलाई १०० स्ट्राइक ड्रोनहरू पठाउँने भएको छ । समाचार एजेन्सी एसोसिएटेड प्रेसले यस निर्णयसँग सम्बन्धित एक अधिकारीलाई उद्धृत गर्दै यो जानकारी दिएको हो।

एनबीसी न्यूजका अनुसार मिसाइल प्रणाली दुश्मनमा सटीक हमलाहरू प्रदान गर्न डिजाइन गरिएको छ । यसको मद्दतले, धेरै किलोमिटर टाढाबाट सटीक आक्रमण गर्न सकिन्छ ।

एएफपीका अनुसार यी रुसी डिजाइन गरिएका हतियारहरू युरोपेली नाटोका केही सदस्यहरूको कब्जामा छन् र त्यसैले यसलाई युक्रेनी सेनामा सहज रूपमा प्रवेशको रूपमा हेरिएको छ ।

बुधवार, युक्रेनी राष्ट्रपति भोलोडिमिर जेलेन्स्कीले भिडियो लिङ्क मार्फत अमेरिकी सांसदहरूलाई सम्बोधन गरे, त्यसपछि अमेरिकी सांसदहरूले उहाँलाई अभिवादन गर्न खडा भए।

अमेरिकी राष्ट्रपति जो बाइडेनले युक्रेनलाई थप सैन्य सहायता स्वीकृत गरे। योसँगै युक्रेनलाई दिने अमेरिकी सैन्य सहायता रकम अब १ अर्ब डलर पुगेको छ ।

अमेरिकी राष्ट्रपतिले रुसी राष्ट्रपति भ्लादिमिर पुटिनलाई पहिलो पटक ‘युद्ध अपराधी’ भनेका छन् । उनको यो कदमले दुई देशबीचको कूटनीतिक सम्बन्धमा तनाव बढ्न सक्ने बुझिएको छ । बुधबार ह्वाइट हाउसमा पत्रकार सम्मेलनमा पत्रकारको प्रश्नको जवाफ दिँदै बाइडेनले यस्तो टिप्पणी गरेका हुन् ।