काठमाडौं – पछिल्लो २४ घन्टामा थप २२४ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार १० हजार ९२ नमूना परीक्षण गर्दा २२४ जनामा संक्रमण देखिएको हो।

मन्त्रालयका अनुसार पीसीआरबाट ६ हजार ९३६ र एन्टिजेन विधिबाट ३१ सय ५६ नमूनाको परीक्षण गरिएको थियो। जसमध्ये ६८ नमूनाको पीसीआर र १५६ नमूनाको एन्टिजेन विधिबाट रिपोर्ट पोजिटिभ देखिएको हो।

बुधबार थप २५१ जना कोरोनामुक्त भएका छन्। यस्तै पछिल्लो २४ घन्टामा ९६ हजार ८९ जनाले कोरोनाविरुद्धको खोप लगाएका छन्। सोही अवधिमा कोरोनाबाट मृत्यु हुनेको संख्या शून्यमा झरेको छ।

हाल कोरोना सक्रिय संक्रमितको संख्या ५६९२ रहेको मन्त्रालयले जनाएको छ।