सिमकोट – बाघको हड्डी र छालासहित एक जना पक्राउ परेका छन्। पक्राउ पर्नेमा ताँजाकोट गाउँपालिका–४ को उत्तिस्यानीका ३७ वर्षीया सुनिल सार्की छन्। अस्थायी प्रहरी चौकी छप्रेलाले विशेष सुराखीको आधारमा सोमबार प्रहरी सार्कीलाई पक्राउ गरेको बताए।

घरमा लुकाई रहेको अवस्थामा प्रहरीले छाला र हड्डी बरामद गरेको हो। प्रहरीले छाला र हड्डीको मुचुल्कासमेत तयार गरी सार्कीलाई जिल्ला प्रहरी कार्यालयतर्फ ल्याउने कार्य भइरहेको प्रहरीले जनाएको छ। जिल्लामा पुगेपछि आवश्यक कानुनी कारबाही अगाडि बढाइने प्रहरीले जनाएको छ। सदरमुकाम सिमकोटबाट घटनास्थल तीन दिन पैदल लाग्ने गर्छ।