सप्तरी – प्रतिनिधिसभा बैठक आगामी १५ गतेसम्मका लागि स्थगित भएको छ । आज दिउँसो १ बजेका लागि बोलाइएको बैठक आइतबारसम्मका लागि स्थगित भएको संसद सचिवालयले जानकारी दिएको छ ।
आज पनि सरकारकै आग्रहमा बैठक स्थगित भएको संसद सचिवालयले जानकारी दिएको छ । कानुनमन्त्री दिलेन्द्रप्रसाद बडुले सभामुख अग्निप्रसाद सापकोटालाई भेटेर बैठक स्थगित गर्नका लागि आग्रह गरेका हुन् ।

थप गृहकार्यका लागि सरकारको तर्फबाट कानुनमन्त्रीले सिंहदरबारमा सभामुख सापकोटालाई भेटेर समय मागेका हुन् । आजको बैठकमा एमसिसीबारे थप सैद्धान्तिक छलफल गर्ने कार्यसूची थियो ।

आजको बैठकमा एमसिसीबारे थप सैद्धान्तिक छलफल गर्ने कार्यसूची थियो । यसअघि बिहीबारको बैठकपनि अन्तिम समयमा आएर स्थगित भएको थियो । एमसिसी टेबल भएपछि सत्तारुढ दलहरू विभाजित भएका छन ।

माओवादी केन्द्रका नेताहरू खुमलटारमा जम्मा भएर सरकारमा बस्ने/नबस्ने बारे छलफल गरिरहेका छन् । अहिले संसद् सचिवालयले संसद स्थगितको सूचना जारी गर्ने तयारी गरेको छ । प्रधानमन्त्री शेरबहादुर देउवाले भने एमसिसी पास गराउन प्रतिपक्षी एमालेसँग वार्ता गरिरहेका छन् ।