काठमाडौं – काठमाडौंको सिनामंगलमा एक महिलालाई श्रीमानले छुरा प्रहार गरी घाइते बनाएका छन् ।

बाँके चिसापानी घर भई काठमाडौं महानगरपालिका-९ सिनामंगलमा डेरा सञ्चालन गरेकी २८ वर्षीय प्रमीला पराजुलीलाई उनका श्रीमान् अम्मर रोकायाले छुरा प्रहार गरी घाइते बनाएका हुन्।

रोकायले मादक पदार्थ सेवन गरी श्रीमतीलाई बिहीबार साँझ घाटीमा छुरा प्रहार गरेको प्रहरी वृत्त गौशालाले जनाएको छ।

प्रमीलाको घाटीमा गम्भीर चोट लागेको प्रहरीले जनाएको छ। उनी बोल्न नसक्ने अवस्थामा रहेको प्रहरीको भनाइ छ। प्रहरीले उनका श्रीमान‍्लाई नियन्त्रणमा लिएको छ।