काठमाडौँ – लोकसेवा आयोगले विभिन्न तहका परिक्षा स्थगित गरेको छ।

सर्वोच्च अदालतबाट माघ २६ गते जारी आदेशको कार्यान्वयन गर्ने सिलसिलमा प्राविधिक तर्फको शाखा अधिकृत, स्वास्थ्यको सातौँ र आठौँ र नासु तर्फको अप्राविधिक परिक्षा अर्को सूचना नभएसम्मका लागि स्थगित गरेको आयोगका उपसचिव एक नारायण शर्माले जानकारी दिए।

आयोगले यही फागुन १३ गतेदेखि इन्जिनियरिङ, कृषि, वन, विविध, शिक्षा र संघीय संसदतर्फ अधिकृत तृतीयको परिक्षा लिने निर्धारण गरेका थियो।

त्यस्तै स्वास्थ्य तर्फको सातौँ र आठौँ तहको परिक्षा आउँदो वैशाख २ गतेदेखि हुने निर्धारण भएको थियो। नासुको परिक्षा वैशाख ५ गतेदेखि गर्ने तयारी आयोगले गरेको थियो।