सप्तरी – आन्ध्र प्रदेशका उद्योगमन्त्री मेकापति गौतम रेड्डीको सोमबार बिहान हैदराबादको निजी अस्पतालमा हृदयघातका कारण निधन भएको छ ।

उनी ५० वर्षका थिए । सोमबार बिहानै रेड्डी आफ्नो घरमा बेहास पाइएका थिए । त्यसपछि उनलाई अपोलो अस्पतालमा भर्ना गरिएको थियो । डाक्टरले उनको उपचार गरेपनि उनी बाँच्न सकेनन् । उनको ९. १६ बजे निधन भएको हो ।

अस्पतालको तर्फबाट जारी बयानमा भनिएको छ, ‘आज बिहान गौतम रेड्डीलाई जुबली हिल्सस्थित अपोलो अस्पतालको इमर्जेन्सी वार्डमा भर्ना गरिएको थियो । उनी आफ्नो घरमा नै अचानक बेहास भएर लडेका थिए । उनी पौने ८ बजे अस्पताल आएका थिए । रेड्डीको सार चलिरहेको थिएन ।’

आइतबार मात्रै रेड्डी १० दिनपछि दुबईबाट फर्किएका थिए । उनी दुबई एक्स्पो २०२२ मा भाग लिन पुगेका थिए । रेड्डीसँग राज्यको सूचना प्रविभि विभाग पनि थियो । रेड्डीका पिता पूर्व सांसद मेकापति राजमोहन रेड्डी हुन् ।