सप्तरी – अमेरिकी सहायता परियोजना मिलेनियम च्यालेन्ज कर्पाेरेसन (एमसीसी) को बिरोधमा उत्रिएका राजनीतिक दलका कार्यकर्ताहरूले जाजरकोटमा नेताहरूको शवयात्रा गरेका छन् ।

एमसीसी पारित गराउन खोज्ने नेताहरूको प्रतिकात्मक शव बनाएर बन्दकर्ताहरूले बुधबार जाजरकोटको नलगाड नगरपालिकास्थित घाटमा पुर्‍याएर दाहसंस्कार गरेका थिए । नलगाड नगरपालिकाको सदरमुकाम दल्लीमा प्रदर्शनपछि शवयात्रा गरिएको थियो ।

एमसीसीको विरोधमा बन्द आह्वान गरेका दलहरूले जाजरकोटका विभिन्न ठाउँमा प्रदर्शनसमेत गरेका छन् । बन्दको जाजरकोटमा प्रभाव परेको छ । दिनभर छोटो तथा लामा दुरीका सवारी साधान, स्कुल, कलेज तथा बजार बन्द भएका छन् । बुधबार संसदमा एमसीसी टेबल हुने भन्दै त्यसको बिरोधमा विभिन्न छ दलले बन्द आह्वान गरेका थिए ।