काठमाडौँ – मंगलबार बसेको लगानी बोर्डको ४९ औं बैठकले बहुराष्ट्रिय कम्पनी डाबर नेपाललाई ९ अर्ब ६८ करोड रुपैयाँ बराबर पुँजी थप गर्न दिने प्रस्ताव स्वीकृत गरेको छ । पुनर्लगानीका रुपमा यो पुँजी थप गर्न स्वीकृति दिइएको बोर्डका प्रमुख कार्यकारी अधिकृत सुशील भट्टले जानकारी दिए ।

डाबर नेपालले लामो समयदेखि आफ्नो पुँजी थप गर्नका लागि प्रयास गरिरहेको थियो । उसले नेपालमा उत्पादन क्षमता बढाउनका लागि प्लान्ट थप गर्न आफ्नो पुँजी बढाउन लागेको बताउँदै आएको छ । यसरी थपिने लगानीमा अधिकांश रकम बैंक तथा वित्तीय संस्थाको लगानी र केही रकम डाबरको स्वपुँजीका रुपमा आएको हो ।

डाबरले कपालमा लगाउने विभिन्न तेल, स्याम्फू, मन्जन, साबुन, जुस तथा खाद्य वस्तु, मह, हनी, छालाको क्रिम लगायतका वस्तु उत्पादन गर्दै आएको छ ।