सप्तरी – सर्लाहीमा यात्रुवाहक बस राेकिराखेकाे ट्याक्टरसँग सठाेक्किँदा दुई दर्जन यात्रु घाइते भएका छन् । घाइतेमध्ये दुई जनाकाे अवस्था गम्भीर छ ।

पूर्व पश्चिम लाेकमार्ग अन्तर्गत सर्लाहीकाे हरिवनमा बिहीबार राति भैरहवाबाट विराटनगर जाँदै गरेकाे लु २ ख ४७५७ नम्बरकाे बस बिग्रिएर राेकी राखेकाे ज २ त ७८१ नम्बरकाे ट्याक्टरसँग ठाेक्किँदा दुर्घटना भएकाे हाे ।

बाक्लाे हुस्सु र कुहिराेका कारण दुर्घटना भएकाे आँकलन गरिएकाे छ।

गम्भीर घाइते भएका एक पुरुष र एक महिलालाई थप उपचारका लागि वीरगञ्ज पठाइएकाे प्रहरीले जनाएकाे छ ।

बस चालकलाई प्रहरीले नियन्त्रणमा लिएकाे छ । ट्याक्टर चालककाे पहिचान हुन सकेकाे छैन ।

घटनाबारे विस्तृत विवरण आउन बाँकी छ ।