KChhaKhabar
काठमाडौं – काठमाडौंको शंखरापुर नगरपालिकामा निसास्सिएर पतिपत्नीको मृत्यु भएको छ। महानगरीय प्रहरी परिसर काठमाडौंका अनुसार शंखरापुर नगरपालिका–३ मा बुधबार राति दम्पतीको मृत्यु भएको हो।
मृत्यु हुनेमा ५२ वर्षीय पदमबहादुर थिङ र ४५ वर्षीया फूलकुमार थिङ छन्। दुवैको शव घरको कोठामा फेला परेको थियो। राति जाडो भएकाले हिटर बालेर सुतेकाले उनीहरूको निसास्सिएर मृत्यु भएको महानगरीय प्रहरी वृत्त बौद्धले जनाएको छ। घटनाबारे विस्तृत विवरण आउन बाँकी रहेको परिसर प्रवक्ता प्रहरी उपरीक्षक दिनेशराज मैनालीले बताए।
१.
२.
३.
४.
५.
६.