सप्तरी – ‘लगइन बुक्स’ले आयोजना गरेको राष्ट्रिय कविता प्रतियोगितामा स्याङ्जाका अस्मित भुषाल प्रथम भएका छन् । भुषालको छन्द कविता ‘म मरेको दिन’ दुई दर्जन कवितामध्येबाट पहिलो भएको हो ।
यस्तै दोस्रो स्थानमा दिव्या अधिकारीको अंग्रेजी कविता ‘डेथ’ चुनिएको छ । प्रथम हुनेले नगद दश हजार रुपैयाँ तथा दोस्रोले पाँच हजार रुपैयाँ पाउने प्रतियोगिताका संयोजक रविन श्रेष्ठले बताए । प्रतियोगिताको निर्णायक निर्भीकजंग रायमाझी रहेका थिए ।

‘लगइन बुक्स’ले पुस्तक प्रकाशन तथा इबुक प्रकाशनमा काम गर्दै आएको छ । कृष्ण जि मूल, गौरव जि हिमाली लगायत युवाहरूको सोचमा यो संस्था सुरु भएको हो ।