सप्तरी – दशै, तिहारलाई लक्षीत गरी संयुक्त वजार अनुगमन टोलीले बुधवार देखि बजार अनुगमन कार्यलाई निरन्तरता दिएको छ ।

अनुगमन टोलीले बजार अनुगमनको पहिलो दिन नै सप्तरीको खडक नगरपालिका ७ स्थित कल्याणपुर बजारका दुई  व्यवसायीलाई २५ हजार जरिवाना गर्दै म्याद गुजे्रका ठुलो मात्रामा बरामद सामानहरु तत्कलै नष्ट गरेको छ ।कल्याणपुर बजार स्थित रहेको अमित टे«डर्स एण्ड खरिद विक्रि पसलमा चेकजाँच गर्दा म्याद गुज्रेका खाने तेल ४५ लिटर., ग्लुकोज, कबिर छाप खैनी, बुलबुल सुपारी र शाहि विरयानी मसाला फेला परेको र फेला परेका सामग्रीहरु पसलेको रोहवरमा तत्कालै नष्ट गरी रु. ५ हजार जरिवाना गरिएको खाद्य प्रविधि तथा गुण नियंत्रण डिभिजन कार्यालय राजविराजका प्रमुख सुरेश कुमार सिंहले बताउनु भयो।

यसैगरी सोहीक्रममा शिव किराना ट्रेडर्समा चेक जाँच गर्दा म्याद गुज्रेका वियर ३५ बोतल, विकाजी र अमिता भुजीया ११ पाकेट, चिसो पेय पदार्थ ६ बोतल पूर्णिमा मिट मसाला १ सय ४४ पाकेट, ग्लुकोज, बन्जोर अरेन्ज जुस फेला पर्दा सो पसललाई २० हजार जरिवाना गरिएको र सामान तत्कालै नष्ट गरिएको जिल्ला प्रशासन कार्यालय सप्तरीका नासु अजय कुमार मण्डलले बताउनु भयो ।त्यसैगरी सोही टोलीले मे. १ च १९२२ नंं को पिकअपमा विना लेवलको पानीको जार राखी विक्रि वितरण गरिरहेको फेला पारी गाडीमा रहेको २१ जार तत्कालै स्थानियवासीहरुको उपस्थितिमा नष्ट गरिएको घरेलु तथा साना उद्योग कार्यालय सप्तरीका आकाश चौधरीले बताउनु भयो।बरामद विना लेवलको पानीको जार खडक नपा ५ खरचुहिया स्थित निर्मल जल उद्योगको रहेको बताईएको छ।अनुगमन टोलीले स्थानिय आर.एन. जेनरल स्टोर, जय शंकर ट्रेडर्स, रामचन्द्र किराना पसल समेतमा चेकजाँच गरेका थिए ।

जिल्ला प्रशासन कार्यालय सप्तरीका सहायक प्रमुख जिल्ला अधिकारी नाथु साहको नेतृत्वमा खटेको सो टोलीमा खाद्य प्रविधि तथा गुण नियंत्रण डिभिजन कार्यालयका प्रमुख सुरेश कुमार सिंह, जिल्ला प्रशासन कार्यालय सप्तरीका नासु. अजय कुमार मण्डल, करदाता सेवा कार्यालय राजविराजका सुभाष चन्द्र सुमन, घरेलु तथा साना उद्योग कार्यालय सप्तरीका आकाश चौधरी, सप्तरी उद्योग वाणिज्य संघका उपाध्यक्ष गौरी शंकर साह, राष्ट्रिय उपभोक्ता मंच सप्तरीका अध्यक्ष राजकुमार गुप्ता, रोशन कुमार यादव, विरेन्द्र प्रसाद चौधरी लगायत पत्रकार तथा स्थानिय प्रहरीको सहभागिता रहेको थियो ।